بمناسبة كثرة اعطال الخطوط السعودية
صورة مع التحية لمدير عام الخطوط :
وادعت ناجح من مطار القريات=يوم ركبونا الطائره وشلعتنا
لفت ودارت وامرجت بين لحظات=لولا الكراسي والمحازم رمتنا
طاروا بنا حمر العلابي خواجات=زغل العيون وجيههم هولتنا
تكفى تشهد يا ( فهد ) واقرأ آيات=الموت جانا والظروف اجبرتنا
جانا المضيف وقال وش فيه خدمات=قلت نزلونا بطونا موجعتنا
من قبل اشوف الغيم دون السموات=واليوم اشوفه يا فهد من تحتنا
عز الله اني ما حسبت الحسابات=والا ترى سيارتي موصلتنا
يا زين ممشى الارض لو هي مسافات=إلنا بشعيب ٍ مجهزين قهوتنا
وش جابني لطائره والمطارات=والله ما عُو د ركوبها إن نزلتنا
لو تنفجر قامت تذيع المحطات=رح عاد دور قشنا مع جثثنا