هذا مسج جاني من عند بنت خالتي الاسبوع اللي مضى وش تقوول:
لاضاق صدرك سج وابعد عن الانظار=ترى البر راحة للصدور الشقاوية
تعبنا وملينا من جدار خلف جدار =وضجيج الشوارع حط في ضامري كيه
وزهقنا من التلفاز ومتابعة الاخبار=وزحام المدينة هم ماهوب حرية
ترى البر والمشراف للضايق المحتار=علاج النفوس اللي من الوقت مبلية
لشاعر ما اعرفه
جاني وانا فالسيارة راجعه من الدوام ومصدعة وقلت اكيد هي مسيكينة بعد راجعه من الدوام وودها بالمرااح بس الله لنا
وقمت انا وارد عليها :
اقول:
الظرف يحكم والمحاصيل من الاقدار=ولا لو انه كيف يا مابرك النية
كان ابتعدنا عن حكاوي وعن ثرثار=والبر ياهل البر يازين طاريه
وذا الوقت وقتٍ به جميع البشر محتار=هواهم شمالي والشتا بان ماريه
والا واوجودي وجد منهو زمانه جار=وده بعلوا والمقادير حدريه
وآطرشها لها وانا حزيــنة على حالتنا 
وما قول غير الله لنا