[الخنساء]

المشاركة الأصلية كتبت بواسطة الطائر المهاجر

لو عطوني الشمس والقمرى تباع= ارفض القمرى فلا لي بالتبيع
نورها التقليد في كل البقاع = انعكاس الشمس في الكون البديع
مثلها والحب في بعض الطباع = كالمرايا تخدع الطفل الرضيع
او سحابة صيف ما منها انتفاع = ما وراها للجواعا من ربيع
كل وهمٍ لو تحدّى الإنقشاع = تقشعه شمس الحقيقه كالصقيع
وكل حبٍ لو تمادى في الخداع = ينكشف في يوم لو ثوبه وسيع
صاحبي والطرف من خلف القناع= سدّد النيران للطير الوجيع
كان طاير في مساره بارتفاع = ما هقى الصيّاد لو يبعد وقيع
دون ما يقاوم نزل عن اقتناع = وصار في يدّه مثل حملٍ وديع
راح عمره بين همٍّ والتياع = والسحر خلاه في دربه مطيع
لين ما فجرٍ ظهر خلف التلاع = والظلام اقفى بعد حلمٍ فضيع
ما هقى إن الحب يشرى أو يباع= لين شافه والخلايق له تبيع
اقسم الأيمان من بعد الضياع = ما يطيح إلا متواسي أو صريع
وانسحب حتى بلا كلمة وداع = ما جرى له درس يكفي للجميع
المحبه ذل للقرم الشجاع = ومن يحب ابلا عقل يمكن يضيع

لاهنت مشرفنا

صح لسانك ملايين

سلمت ودمت بخير