أبيه أنا حساس قلبه عطوفي
ياكم أنا محتاج شخص ٍ احاكيه=ابي اوضح له وابيّن ظروفي
شخص ٍ يناجيني بهمي واناجيه=ابيه أنا حساس قلبه عطوفي
ابيه لي يفهم وجرحي يداويه=ابي كفوفه دوم تلمس كفوفي
شخص ٍ يبادلني شعوري واداريه=ابيه يقرب لي وينزاح خوفي
شخص ٍ يخاويني بدربي واخاويه=ابيه لازليت دايم يروفي
ابيه يحفظ كل سري ويخفيه=ابيه لوصالي محب وشغوفي
بهدي له الأشعار من حبي ارويه=واكتب له بحبي جدايد حروفي
هالشخص أنا عل وعساني الاقيه=ومافيه احد يملك جميع الوصوفي
كلمات: محاكيـ الورقـ ..
عبدالعزيزإبراهيم المنصور