اقتباس:
المشاركة الأصلية كتبت بواسطة الصريح العتيبي
البارحه نومي من الليل ساعه=اقالب الجنبين والناس رقّاد
اشوف جور الوقت زاد ارتفاعه=واهموم قلبي بين صادر ووراّد
جرحي عطيب ولاتفيد الاشاعه=يامن يدور لي طبيبّ بالاجواد
حتى يتم الوصل قبل انقطاعه=واليا انقطع حبل الرجا الطب مافاد
ترى الرفيق اللي بخل بانتفاعه=وش عاد لو انه من الروح وش عاد
وش عاد لو انه من ادنى الجماعه=ومرددّ مابين خاله والاجداد
ياطير انا بعطيك مني وداعه=حيثك وثيق السر لن رحت مدّاد
ود الخبر ثم انشره بالاذاعه=واعط الخبر ياطير من جاك نشّاد
واللي بذر حبه وخسر الزراعه=قله ترى للشر والخير ميعاد
|
الله الله
على الابداع الشعري المميز
بحق رائعة شعرية
وفاخرة من مفاخر الشعر
تقبل تقديري