[النهج المختلف]

المشاركة الأصلية كتبت بواسطة الــذاهبه

جيتك ضمى اركض من الشوق ماشوف =جيتك وريقي يابس(ن)في لهاتي
جيتك وانا قلبي من الشوق ملهوف=مستعجله والشوق يسبق خطاتي
القلب يمك والعقل شبه مخطوف=ومن الوله نسيت حتى عباتي
لاتحسب(ن)بعد المسافات وظروف= تقدر تفرق بيننا ياغناتي
حبك نبت متمكنن داخل الجوف= مثل الجبال الراسيات الثباتي
لامر طيفك ياقف البيت مكسوف =حتى القوافي ترتجف يوم تأتي
ان جيتني ياقرة العين والشوف= وان غبت ضاعت خطوتي في جهاتي
عالي مقامك والغلا ماله وصوف =تحتار في وصفه جميع اللغاتي
لولا الملامه والمناقيد والخوف = لااحلف واقول انك حياتي وذاتي
يالايمي شفت الهوى سلة سيوف =من لامني عسى حياته شتاتي

الشاعرة الرائعة الذاهبه صح السانك ,, ,,

قصيدة رائعة من شاعرة متمكنه ,, ,,

الله يعطيك العافية على هذا الجمال الراقي ,, ,,

تحياتي وتقديري ,, ,,