[عصام عبد الحميد]

	يا حشرى ليه تحشر نفسك فى اللى ما لكش فيه ده علم وعمره ما خصك وبلاش فزلكه بيه والارض ليه كده عطشانه مش انت فلاح يا بيه لو قلنا جحا ويا حماره حتقول أنا قلت شى فى زماننا نسوان بتحارب وانت نايم لى ليه بركان وحممه بتتحرك ع العالم واللى فيه يلعن أبو خاش فكر سعادتك واجع دماغنا بيه زى الملح فى كل مكان بس الطعم اهو راح من فيه يا حشرى ليه تحشر نفسك فى اللى ما لكشى أبدا فيه ده حتى الجار ماسلمش كلامك والدوار بقى فاضى عليه والمسكينه الست هنيه ليه بتجرح فيها بتيه حتى لسانك رجت لويته وبتتكلم بالافيه وبعد ماكنت لابسلى طاقيه لبست الكاب وعملت لى بيه يبقى ده ليه لاجل ما نعرف انك فاهم والله الفهم انا غرت عليه دى حتى زريبه ابويا محمد قلت سباخها كتير كده ليه نضف نفسك والبس توبك واوعى تقول أنا أكلى باتيه