اقتباس:
المشاركة الأصلية كتبت بواسطة اموااااج
قصيده كتبت نفسها ولم اكتبها
ويعلم الله انها كيبورديه
فاقبلوها كما هي
تنشد عن اللي داخل اعروقنا جال = تنشد عن ادموع العيون وسهرها
تقول وش مبعدك يا طيب الفال = واقول نفسي منك زايد خطرها
ليت الوصل ما بينا يالغضي طال= ويا ليت روحي ما اعلنت عن كدرها
مات الحلم وانهدت اليوم الامال = وشجار وصلك ما قطفنا ثمرها
تدري بانك يوم تطري على البال = دموع عيني منك يجري نهرها
ولا تحسب ان الحب من خافقي زال = حبك بقلبي له قصورٍ عمرها
دام الغلا في القلب ساكن ويختال = لا تلوم منهو لك دموعه نثرها
الوقت جاير والزمن يا الغضي مال = والنفس خافت من تزايد ضررها
حبك بقلبي سهم ساطي وقتال = سلب من اعيوني صفاوت نضرها
طفله صغيره عاشقه زول رجال = هامت مع حبه ولكن قهرها
قالت لها احبك وهو قال تحتال = ومن عقبها كثرت بلاوي دهرها
قبل ابتعد برسل لكم كم مرسال = ابيات شعرٍ فيك تنظم دُررها
تحكي لك الواقع وتوصف لك الحال = ولهايب الاشواق يضوي شررها
اموااااج |
يا الشاعره من دلتك خذت فنجال=في هالصباح وسُر بالي باثرها
الله أكبر الله أكبر
صح السانك يا اخت امواااج
قصيده راقيه حيل.اذا كانت هذي كيبورديه اجل وشلون اللي ما هي كيبورديه..
اقول ما شاء الله تبارك الله..الله لا يضرك
نص متقن وجزل ومحبوك.
دمتي بخير ولا هنتي