[النهج المختلف]

المشاركة الأصلية كتبت بواسطة الطائر المهاجر

احدٍ بشغله يبي يرضي معازيبه= واحد ضميره بشغله دوم ميزانه
هذا شفوقٍ على الدنيا بمطاليبه= وهذا ولا همّته لو زاد خسرانه
وانا بليت بضميرٍ من تسابيبه = ما صار لي شان مثل اللي اعتلى شانه
ممن عرف كيف يتسلّق باساليبه = حتى وصل شي ما وصلوه جدانه
مافاد علمي ولا انجازي وترتيبه= وجيبٍ عفيفٍ ولا فكري وأشجانه
ولا من تفكّرت في الوضع وتراكيبه= ادركت معنى الرجل الْسانه حصانه
يطمر به اسوار لو بانت عذاريبه= يرفعه فوقٍ ولو هو درو باقرانه
كل ما يبي سم..حاضر..عند تنبيبه= لو شاف اكبر غلط معقودٍ لسانه
يمشي بذله فلا من عز او هيبه = مادام يكسب ولو يوطى على امتانه
وهذا السبب مجتمعنا زاد تغريبه= لاهو تقدّم ولا هو حافظ اركانه
فساد مستشريٍ ياصعب تطبيبه = واللي نزيه وأمينٍ خاسر رهانه

الله الله رائع يابوعبدالله

الشاعر المبدع الطائر المهاجر صح السانك ,, ,,

وصف جميل وراقي الله يعطيك العافية يامبدع ,, ,,

شاعر يمتاز بالحكمة و الجزالة ,, ,,

تحياتي وتقديري ,, ,,