اقتباس:
المشاركة الأصلية كتبت بواسطة خالد بن منشار
السلام عليكم
اعذرونا ع القصور
ماعاد فيه روح الكتابة
انتظـــــرتك من زمان وراح بي نصف الزمان = انتظرت وكنــت يائس والأمل فيني قليل
كنـــــت ماتدري بحبّي واعـــــتذر انّي جبان = ماقدرت انطق بحبّك خايف النقمه تسيل!
ويوم رحت انشلّ صبري وانهدم ذاك المكان = وانتحر فيني طموحي وانقتل حلمي الطويل
ما صحيت الاّ وعيني شاخصه في شيّ كان = كان ياما كان حلمٍ راح في غمضه بليل!
ما بكيت .. ولا سكتّ .. وماقدرت الاّ الجنان = جنّ عقلي وانثنى لي شعر يجمع لي الحصيل!
كم كتبت وكم شكيت .. وكم شبح فيني الأمان = كم نهز روحي اليتيمه شوفتك قبل الرحيل
انظر ابعيني وتدمع .. دمّ ! وآزيد احتقان = واحترق وانثر شتاتي واندب الحظ الذليل
وجيت في لحظة مماتي وآخر انفاس الحنان = رجّعك ربّي بوقتٍ كنت محتاج الخليل
جيت ما تدري بقلبٍ عاش في حبّك وصان = صان حبّك من زمان وما عطى غيرك دليل
جيت ياجرحٍ سكن بي .. هذا قلبي لك مكان = مستحيل اعطيك فرصه تبتعد لا مستحيل
وسلامتكم |
هلا وغلا بالاخ خالد بن منشار
وصح السانك على هذه القصيده الذهبيه.
تغيب وتجيب الدر الثمين.
وهذي عادتك ما تجيب الا الثمين الجزل يا الجزل.
لا هنت وكل عام وانت بخير وصحه وسلامه