[مبروك بن ماضي]

ولازلت انزف مع نزيف غزه وشتان بين نزف الشعر ونزيف الدماء
اللهم احقن دماءهم وانصرهم على اعداءهم

مصدوم بس مانيب ياناس مدهوش =ولاهـيب ذي أول ولآ خر جريمه
وش ننتظرمن وجه (لفني) ومن (بوش)=غيرالحروب الظالمه والأليمه
الله يقلعهم شياطين ووحوش = ماعندهم لحقوق الانسان قيمه
باسبابهم ذلت دول،سقطت عروش = واستعمروا وآذوا شعوبٍ كريمه
والمشكل العالم بهم دوم مغشوش = حطوعلى عـينه غـشاوه قديمه
يلعن ابوّو0حضارة السلب والهوش = كذبٍ وزيفٍ والمبادي عديمه
ابن اليهودي لو يصيبنّه خدوش = صاحوا باعلا صوت يا للظليمه
واطفالنا لما بهم تبطش جيوش= عادي0فهل هذي عداله سليمه
درب الامم لإجرامهم صار مفروش = بالورد 0واصبحنا سوات الغنيمه
ومسرى رسول الله محتل وملطوش= وسياسة الغرب الصليبي عقيمه
يوقف مع الغاصب ويدفع له قروش = والمالك الشرعي ، مشرد بخيمه
مطرود من ارضه ولاجي ومكروش = ينطر لعون اهل القلوب الرحيمه
هيئة امم لا لا 0غلط ،هيئة جحوش = وتكرم عن افعال اليهود البهيمه

تكرمون