[سعود المسعد]

المشاركة الأصلية كتبت بواسطة صالح سعود

قليل من كتبنا .. ففي القلوب اكثر مما تتحمل الصدور .. وتسطر السطور ..

لغزه .. مهد العزه أهدي هذه القصيدة المتواضعة ..

يا فرحة الميلاد مع دمعة الموت = الفرق واضح بين حزه وحزه
لو بحت الأصوات ما يكتم الصوت = صوت(ن) من أعماق الضماير مفزه
وحتى النفوس يشوتها حزنها شوت = وصدور هز أعماقها الحزن هزه
وعيون حتى دمعها صار مصموت = كل ما يسيل الدمع قامت تدزه
أطفت مصابيح الفلك لحظة سكوت = مرت على العالم وهي مشمئزه
ولا تغير شيء بإحساس مبتوت = إلا الضمير الحي قامت تحزه
العام نبكي جرح والآلام بيروت = واليوم نبكي جرح والآلام غزه
نظرة حزن في عيون مبلي ومكبوت = والعالم العاجز عنه مسكتزه
مع عنفوت طاغي وكافر وطاغوت = هذا يصفق له وهذا يوزه
ذبحة طفل و احراقت جسور وبيوت = عنها السلام اللي يقولوا منزه
ذاك السلام اللي على صفحة النوت = اللي على الصفحات عيني تقزه
من يذبح الاطفال و يقطّع القوت = ودك بيدك يموت وانته تتزه
حنا الحماس ان كنت في خوفك تموت = وحنا الكرامه والفخر والمعزه
الحور مطلبنا ونأكل من التوت = وميعادنا الجنه وفيها انتنزه
ويا ليتني قسامي اليوم وأموت = وسط الوغى في داخل حدود غزه

اخوكم - صالح سعود

ابوصالح صح لسانك مدددحد الرضى
الله يبيض وجهك هذا والله وقتنا ياشعار
اشهد انك بردت قلبي حروفي تتساقط خجل
خوف من التقصير
تقبل صادق ودي واحترامي
ومتابعتي لحرفك الوضاء والجميل