اقتباس:
المشاركة الأصلية كتبت بواسطة عبدالله الثويني
السلام عليكم ورحمة الله وبركاته
أتمنى أن تقبلوها كما هـي ...
في مطار الحزن طالت وقفتـي=لا رحل همـٌي . لفى هم(ن) جديد
كم تمنيت الفرح في دنيتي =رآح وآبعد للآسف عنـٌي بعيد
في يدي جـفٌت وذبلت وردتي=من سقاها القلب من دم الوريد
عن سمايه يوم غابت نجمتي=القمر ماسـد منزآل الفقيد
كم كتبت ( الآه) بآعلى صفحتي=أشتكي بلوآي والحظ العنيد
لآنويت أسلى واخفف لوعتي=ألمح الآلآم ماتنقص تزيد
الآلم يعكس ملامح صورتي=صورة اللي صار للضيقه عقيد
أتعبتني في دروبي حيرتي=أنظر العالم وأحس إني وحيد
أظهر البسمه وأخبٌي دمعتي=وأخدع العالم واقول إني سعيد
تهت ياوقتي وتاهت بسمتي=خافقي مايوم حقق مايريد
ياعسى ربي يخفف لوعتي=عالم المكنون بنفوس العبيد
|
صح السان يا اخ عبدالله
قصيده رائعه وجزله من شاعر جزل..
قمه قمه.لا هنت اخوي