اقتباس:
المشاركة الأصلية كتبت بواسطة صوت الإحساس
[blink] مساااكم كااادي [/blink]
قبلها حبي وتقديري لكل من يشرفني وإياها بالمرور
لاجفّ عرق الغصن
تبكي سحابه
وعروق قلبي
ما سقاها سحابك
البعض لامن غاب عادي غيابه = بس انت لا من غبت يفرق غيابك
مغليك شف مغليك شوقه غدابه = والشوق لو حرّك فؤادك غداابك
لا مر لك طاري من اقصاه جابه = ولوهي على شوقه من اقصااك جابك
وين انت يا سبّة شقاه وعذابه = وين انت ترحم خافقه من عذابك
وين انت تجبر ببتساامه مصابه = ان كان ماصابه من البعد صاابك
مشتاق يشكي لك وتسمع عتابه = وتغفا على صدره ويسمع عتابك
آنا دخيل الكحل واللي زهابه = وآنا دخيل الحسن لامن زهابك
الحسن يذبحني ونفسي تهابه = وانت القمر من زود حسنك يهابك
ماشفت زين الا وبه شيّ عابه = الّا انت ما بك شيّ شفته وعابك
لو قيل شيخ الحسن ما به غرابه = الحسن يتشرّف بحضرة جنابك
ياسالفة عمري وزهرة شبابه = لا ينحرم مغليك لذّة شبابك
مثلك وربّي عن حياتي ذهابه = يعْنِي ذهاب الروح حزّة ذهابك
|
صح السانك ياصوت الاحساس وعلا شانك
ابيات جميله وهادئه
لها خصوصيه خاصه
وستبقى بكل تاكيد امداً طويلا
لاهنت وبيض الله وجهك
تحيتي وتقديري