[ياسر عبدالرحمن الخالدي]

المشاركة الأصلية كتبت بواسطة بنت القصيد

لا ناشت النار يالعربان راس الفتيل=ماعاد يمدي بعد شبت تطفونها
والوادي اللي غرق قدام جاه المسيل=فيه الاوادم جثث نطلبكم اكفونها
من ضيع الدرب لازم نعتمد له دليل=والروس ما تنحني لو ضعفت امتونها
يازارع التيه قلي كان تبغى حصيل=اعطيك من زرعت الامجاد وغصونها
واعلمك كيف تحشم لا لفاك الدخيل=واتثمن الجوهره لاجتك واتصونها
انته حفيد الكرم لاكن مدك بخيل= يامن تدك العرب في داخل احصونها
العام معك السبيل اليوم ضاع السبيل=يومك تبيها ياكيف احتلت من دونها
كثّرت لك يوم غيرك راجين بي قليل= وانته تغرك دموع القوم بعيونها
قدّرتك ولا طروك اقول ماله مثيل= وانته جهلت السيوف اللي يحدونها
بعد العطا والوفا انكرت هاك الجميل=ساويتني في صغار القوم وارعونها
حديتني للرحيل ان كان عفت الرحيل=والمشكله روحت لا لا تحلونها
ماجيت اقابل نحيبك والبكا والعويل=لان العقول النبيهه تصدق اظنونها
والوقت وان شان ماله غير نفض الشليل=والتمره الطيبه من طيب عرجونها
مانهد حيلي لو ان الوقت هداد حيل=والغايه اللي بغوها ما يلاقونها
والنار شبت وطاح اللي نصاها قتيل=ياليت بعض المبادي ما يخلونها

الله الله ياشاعرتنا
صح لسانتس مليار ولا يكفون,,

جزالة