اقتباس:
المشاركة الأصلية كتبت بواسطة محمد بن عمار
السلام عليكم ...
لازلت اعاني من المواقف
التي لااحسد عليها .
نتاج اليوم بدون مقدمات ...
غـــــــــــارس الـــــــــــورد
يالله إنك تعين القلب من طول ياسه = مااهتنيت بمنامي والعرب يـرقدونه
راحت أيام عمري في الشقاء والتعاسة = آه يا وقتي اللي ذقت منه المهونة
ضاع مستقبلي و أتركت باقي الدراسة = وانحرمت النعيم اللي الملأ يذكرونه
من صغر، سنيّ وحالي يزود انتكاسه = مكسبي ضيقة الخاطر وكثرت حزونه
أشرب الصبر و أملأ للمقابيل كأسه = وأحسب الناس مثلي ،، كلهم يشربونه
ياقمر وين نورك ليلي أطول غلاسه = غاب عني وأنا في الليل ما أمشي بدونه
غارس الورد يجني ما نبت من غراسه = وزراع الشوك ما يجني الثمر من غصونه
وراعي الخير له في الخير بخص وفراسة = وراعي الشر علمه بيّن ٍ في عيونه
من مشى طيب تلقى الطيب منبع أساسه = والردي لو يجامل يخلفنّـه ظنونه
محمد بن عمار
|
صح السانك يا اخ محمد
دائما جزل..ولا تجيب الا الجزلات يا الشاعر الفطحل.
دمت بخير ولا هنت