[رفيعة الشان]

المشاركة الأصلية كتبت بواسطة ناصر عبيد الهواوي

عديت في عال الجبال الشناغيف=وبيحت هم ٍداخل القلب خافي
وغنت هجوسي صدق من غير تزييف=ما ارضى لهن نسج الكلام الخرافي
يالله يمنشي سحابٍ مراديف=امرك بحرف النون من بعد كاف
تفرج لمن ضاقت عليه المحاريف=غرور فلبه وقعه بالمهافي
ياقلب فعلك عرضك للصواديف=ماللصواب اللي بضع فيك رافي
هجرت من لك خافقه مرتع ٍريف=وراك تقطع به وهو معك وافي
وش عاد لو بالعمر مرة حصل حيف=ماهل من دمعه لفرقاك كافي
ترا الزعل هو ملح زاد المواليف=لو جت رضا دايم يمل الولافي
من الغبا صدقت حكي الملاقيف=وكدرت جوك عقب ماكان صافي
ومن سبتك ذا له زمانين ماشيف=وتفرح بطيفه لو بنومك يوافي
مسكين عن شوفه تعوضت بالطيف=نغصت عيشك وانت قبل امتعافي
النوم من جفني بعد فارقه عيف=لا قلت تعبك السهر قال مافي
شوفك لسيد لابسات النفانيف=عن كل ماحققت من كسب يافي
ياسعود من عقبه لحقني تخاليف=بدري خسف مابان والنور طافي
ماجت لمن قبلك تجي لك على الكيف=لا تحسب الأيام دايم عوافي
برد الشتاء ياتي بعد لاهب الصيف=وياما بمحفظة الدهر من خوافي

الله
شاعرنا الاخ الهواوي
قصيدة يتحلى فيها الابداع
جميلة الالفاظ والمعاني
فصح الله لسانك مليوون

ولااااهنت