[سلطان العطاوي]

ماعندك احد


آآآآآآآآه يادولابي اللي كل مافكّيت درجه
,,,,,,,,,,,,,,,,,,,,,, شفت في وسطه! هدايا صاحبي وإمراسلاته

لَبّى قلبه,,لَبّى كلّش.. ياسواليفه وهرجه
,,,,,,,,,,,,,,,,,,,,,, لَبّى ويش آقول ياعالم!؟ يالَبّى حَرَكاته

عَن فساتينه! يسولف لي,,وميلاده,,وبُرجه
,,,,,,,,,,,,,,,,,,,,,, واسكريم الباسكِن,,والتَورته,,والشوكولا ته

وعَن دلع بيروت,,والروشه..وعَن ساحات مَرجه
,,,,,,,,,,,,,,,,,,,,,, والوناسه,,والسهَر,,والعيد برّا! وش حلاته



وقمت اسولف له: عَن إبن إحميد,,وإحصانه وسَرجه
,,,,,,,,,,,,,,,,,,,,,, وعَن شليويح العطاوي فـ الزمن وإمغامراته

واثْر مافـ الحمض احد!..واصبحت للمزيون فُرجه
,,,,,,,,,,,,,,,,,,,,,, ينتظر منّي سوالف خاثره تنعش حياته

والسوالف! تجتمع في خاطري وإتموت حَرجه
,,,,,,,,,,,,,,,,,,,,,, وسط حلقي.. والذيابي! حيلته ينفض عصاته

وصرت مثل اللي يشيل الحيّه الزرقا بخرجه
,,,,,,,,,,,,,,,,,,,,,, إن تركها! مشكله.. وإليا لمَس! يلمس مماته


يامدوّر خاثر الهرْج! إطلب المعبود وإرجه
,,,,,,,,,,,,,,,,,,,,,, شوف غيري(والسلام,ورحمة الله,وإبركاته)

عبد الرزاق الذيابي