[عرق الماس]

المشاركة الأصلية كتبت بواسطة بندر الشاطري

الســـــــلام عليكم ورحمة الله وبركاته ..

كيف حالكم اخواني ان شاء الله الجميع بخير يااارب..

اقدم لكم هذي المتواضعه واتمنى من كل قلبي ان تنال اعجابكم ..

ياساعتي شكوى الثواني دقايق=والا الدقايق تعتذرلي بالايام
والحاجه اللي صاحبت يوم رايق=صرت انتظرها لو تجيني في الاحلام
راحت وخلت خاطري حيل ضايق=يشكي بشوقه للورق روس الاقلام
تضحك بوجهي يالسفر وانت بايق=ماكنك الا يالسفر حكم الاعدام
الله يكمل حجتي بالحقايق=واردها لو ينشب بحلقي عظام
واسوق من شعري لها الف سايق=وابني محبتها على عشق وهيام
تفداك من باريس كل الحدايق=ياللي ببعدك نكسوا كل الاعلام
لكن تركد وانظر الدمع فايق=وارحم عيون(ن)صابها بعدك صيام
مافيه شي بدنيتي حيل لايق=الا وجودك من بعد حب الاسلام

وسلامتكم ...

أخـــــــــوكم \ بندر الشاطري ( عـــــــــزام )

حصرة الأخ الفاضل الشاعر بندر....

ماأجمل حروفك وأعذبها...

يفوح من بين همساتها عبير الشوق الصادق,,,

الله..ماأجمل احساسك وماأرقه...

سلمت أناملك لجميل ماخطَّت..

ودمت بكل خير....

مُنيه