نَصّ مُتواضِع أتمْنى أن يحُوزَ عَلَى رِّضاكُم
يابو حمد جيتك ونا الحال منضـام=جيت اشتكي لك من همـوم ونكـاده
لله اشكـي ثـم اشـكـي لمـقـدام=مثلـك كريـم ٍ مستـعـد بعـتـاده
جيت اشتكي لك من جروح ٍ لها اعوام=ومن نار فـي قلبـي تزايـد وقـاده
ابيـك تبعـد كــل هّـمـي والالآم=وتشوف حالاً منطـوي مـن جهـاده
مشى بـدرب ٍ كلـه احـلام باحـلام=ولا لقـى مـن هـو يفيـده إفـاده
درب الهوى من طاح به ما اعتقد قام=وإن قام يصبح ساكـن ٍ فـي عيـاده
يشكي مرض وإلايعاني مـن اوهـام=وإلا يلـوم الـحـظ وإلا الـقـراده
صدق صدق من قال ماطـاب مـادام=وإن طاب يوم ٍ جت همومـه زيـاده
ياصاحبي يابـن الكريميـن الاكـرام=يافاهـم ٍ بالعلم ولابــك بــلاده
افهـم كـلام ٍ لـك كتبتـه بالاقـلام=من بوح شعري قمت انا في عـداده