ياكيف لاساقك هوى الشاذليه=والجو من عقب العصّر هاض الالباب
فانص الخلاء وعلومه الاوليه=واختر رفيق وخل بك صبر خباب
خويّ في بيداء نفوذن خليه=واصحابنا بندق ومزنه ومخلاب
يمكن تطيب جروحنا الكابليه =واستغفر الله المقدر للاسباب
ماحولنا بارض الخلا عاذليه =ماغير حرف الشعر شاري وجلاب
يمكن ينسّينا الرؤى الخاذليه=والا يسّاقي حرفنا علم الانساب
يمكن بها فسحه لها قابليه = ننسى بها سيرة مجافي ومرتاب
يمكن نشوف احلامنا العادليه=فوق الرمال وخلف صيحات الاحساب
يمكن نحل افكارنا الناهليه=والانحلل فكرة اصحاب الاحزاب
يمكن خلي القلب ينسى خليه =الا انا مانساك ياطيف سلاب
نبعد عن اهل النضره المنزليه=عند القدم متغلفه خلف الابواب
شاخ البخيل وتاه نحل الخليه=واهل العقول اليوم بالوضع شياب
يالي رميت الورد مالك وليه=صدى الهجينيه صدف صوت زرياب
عد القوافي عده تنازليه = واصعد بها سلم على صرح منساب
قولو لراعي الرميه المنجليه=بحر الهوى مامل من كل منصاب
فوق الثرياء فرشتك مخمليه = رز العمود وشدياصاح الاطناب
شب السمر للدله المنهليه =فنجالها تهييلته تطرب الصاب
قهوة على جمر الغضى باهليه=مثل الذهب ماملها كل صباب
حمسة نداوي حمستٍ وائليه =والجمر لونه ماخفى كل شباب
ومهراس ساق الحانه الحايليه=بلسم تضاهي وصفته كل الاطباب
لو ذاقها مرتادي الفيصليه = والي على برج الوليد اهل الاكواب
لتحولو في رقصتٍ ساحليه =كلن يبي فنجال وبيده ومشعاب
متميزه بين المجالس جليه = مكانها الاول لضيفٍ والاجناب
للكيف نسمة فوحها منقليه= لالا بها الشعار في كل مرقاب
رمز الكرم والعاده الفيصليه=من دونها كيف الرجل يوم ماطاب
ماذاقها الشعار بالجاهليه=والا لصاغو لاجلها مية كتاب
ياقهوة المشتاق يالشاذليه=في جو من بعد العصّر يسبي الالباب