تراك اسرفت في وصف الضعيفه بين طلابه= شكت والدمع يامحمد على الخدين همالي
شكت للعود حسرتها تقل ماهيب كذابه = ولا في يوم دزت لك رساله بين الازوالي
تحب الخير بين الناس تجمع روس جلابه= وتاخذ ماتيسر لو حصل وان ماحصل حالي
انا ماجيت مكتبها ولا انا حاسب احسابه = ليا مني نويت اعرف طريقي واظبط ارسالي
ولكن العنس بين العذارى ركز اطنابه = اذا النيه سليمه فالرضى من ربنا الوالي
اذا مزحك كذا فالله يكفينا من احرابه = ترفق بالقلوب الهايمه لاتكشح العالي