ماشاء الله تبارك الله
فلاح بن منشار..منصور المري الطامي
صحت ألسنتكم والله لا يهينكم على هالرائعتين وليست بغريبه عليكم شعراء كبار حبكه شعريه وتمكن وإنتقاء كلمات عذبه .....
والاجمل رد فلاح لأنه شقر الكلمه نفسها والمعنى يتغير
والشقر معروف قد يكونو المتمرسين فيه شعراء العرضه وهم كوكبه من الاسماء وهم كثير يستمتع المشاهد معهم إذا كان فيه شقر
ماشاء الله عليهم يطلعون لك كلمه بس بمعنى ثاني غير هم يبيله سنه وعاده يمكن يلقاها ويمكن لا أخاف الجبال ذيك فيها شي يساعدهم هههههه
أذكر مره كنا نتابع شاعرين ...
..محمد بن حوقان .....وعبدالواحد الزهراني
بن حوقان كانت في واحد بيوته كلمه ((ذا يبعد وذا يقرب))
يعني الرد لازم يكون بنفس الكلمه
أنا متأكد لو طرحته لكم كسؤال او لغز تبطون يمكن فلاح يجيبها
المهم حاولنا نلقا الكلمه ذي وحنا أكثر من20 ومنا شعراء محاوره لكن الكلام متباعد
ورد عبدالواحد الزهراني
ولا هوب البطي ماشاء الله عليه المهم جاب البيت وأخره كان
((ذايقن شهد مصفى وذايقرب))
لا حظ بيت بن حوقان
ذا يبعد وذاويقرب كان المعنى غير والمقصود واحد يقرب وواحد يبعد
والزهراني
جاب الكلمه نفسها ولكن المعني كثير البعد عن الاولى
والعلم حول ((ذايقرب))حتى أن كثر قالو تكون فيه أتفاقيات بين الشعراء والعالم الله وباقي العلم عند فلاح .....
كان بودنا من الشاعر فلاح بن منشار إذا كان ملم بهذا أللون الجميل يعطينا نبذه عنه أو مفصل كي يستفيد الجميع
لعله يطلع منا نجم يمثل الفطاحله
وأكتشاف المواهب التي قد تكون دفينه
أعذروني على الاطاله
هذا والله أعلم
تحياتي
سالم الجعيدي