ياخوي درب النـذل فيهـا مذلـه=فارق طريقـه وانتبـه لايخاويـك
خله على خيبه مـع الـذل خلـه=خلـك معاديلـه وخلـه معاديـك
لابد ماينشف مـع الوقـت ظلـه=خله ودور من عن الشمس يذريك
وسيفك لمن يرديك ياخـوي سلـه=أروه من خشوم الردى قبل يرويك
والاجرب اللي جاوره صار مثلـه=واللي طلا ظهر الجمل غير يطليك
والطيب من يبغـاه ياثقـل حملـه=اشره وتلقا معظم النـاس تشريـك
كم واحد بلواه مـن صاحـبٍ لـه=أنا مجرب واسال النـاس تنبيـك
علـه تـراه وباللوازيـم عـلـه=وان صاحبك كل النشاما تجافيـك
وانتـه فهيـم تفهـم القـول كلـه=والبس من ثياب الدهر ثوب يكسيك