[شعيل الزلامي]

اقلبـوها عنتـريّه مـن حـروفٍ كالحـدادي = وانت يالعاقل تفكّر وش حصل ليه الأذيّه
ما دريت عن عقـولٍ بالجهـل تركيب احـادي = ما تأثر بالحضاره ولا علوم الأبجـديّه
وكان نجمك في صعودٍ كـم تلاقي من نكادي = من نفوس في مرضها كل خبث بالطويّه
الحسد والحقـد واضح ما يبي له اجتهـادي = ليه تنجح في مجـالك وليه حبّـوك البقيّه
جـاهليّه... ياعقـولٍ في جهلهـا بازديـادي = تنتظر مثل العقـارب تلدغ الرجل البريّه
كم تحطم من اديب وشاعرٍ ما هـوب عادي = وكم تقفل من نوادي والسبب عصبه رديّه
وكم تشوه اسم واحـد غيبةٍ بين العبـادي = والسبب كـونه تألق صار نجم المهمهيّه
وتدّعون الدين ظـاهر يا عقـول بلا رشادي = تخدعون النفس اول والله اعلم بالخفيّه
لعنبـو شعـرٍ بقـلبٍ حـاقدٍ كلـه سوادي = ما نظف مع كثر بوحه تقل سم بجوف حيّه
الشعر احساس مرهف بالجمـال ولحن شادي = ماخبر احجـار تشعر ما لها روح وهويّه

صح لسانك مليار
يابوعبدالله
على التشهير
بهذه الظاهر
المنتنه كما وصفها
افضل خلق الله
عليه الصلاه والسلام
تحباتي واحترامي
لشخصك وحرفك