رد: مادام ثوب الشرف والعز كاسينـي
اقتباس:
المشاركة الأصلية كتبت بواسطة ترانيم المطر
مادام ثوب الشرف والعز كاسينـي=والله ماهمني من يسـرج إجيـاده
إن جتني الطيّبه زينٍ علـى زينـي=وإن جات من ناقص الحقران مقعاده
أضحك على واحدن ثاوي ومسكينـي=يركض يدور مع الأجواد عـن زاده
والقوت في حلته بالعسر واللينـي=كل العرب مع مرور الوقت ترتـاده
اللـي يسـدد تجاهـه بالنياشينـي=واللـي لياشانـت الأيـام تقتـاده
والعشر صارت مع الأيـام ثنتينـي=زودن على المر يشرب علقمه ساده
ياللي على بالك إنك صرت تفتينـي=مالك ومال الشقاء يبلاك بإجهـاده
خل القوافي تجي مسحوب وهجيني=والقاف يمشي وأنا من يقصر قياده
بالنقض والفتل والميقاف يمدينـي=أعسف مهار الشعر وأحـرر بـلاده
لو جار وقتي وشحت معظم سنيني=ماشح نبعـي وماهزيتـوا القـاده
قصة حياتي لكم يابـن العزيزنـي=لا أحدن يجيني يدور سالف أمجـاده
|
صح لسانك واعتلا شانك
قصيدة جزلة من راس جزل
سلمت ودمت بخير
|