احمد الزايدي
من خوى الراس طب الراس فنجال دله=علم اللي ماهو عن كيف الأجواد داري
والقمر لن بداء نوره فدربـك تدلـه=يعجك نوره أنته وأنت فالدرب ساري
داعي الشوق
كيفنـا يالمعـزّب كيـف تقـدر تملـه=وانت تعرف سلوم الناس والوقت جاري
القمـر وان تغيّـب دربنـا مـا نزلـه=أسري الليل وحزامي رصاص وشراري
احمد الزايدي
السلوم أنعرفهـا والرجـل فـي محلـه=والمعاني تراهـا بيـن كاتـب وقـاري
القمر لن تغيب ماتشوف أنـت ضلـه=كيف تبصر تشوف بوسط ذيك الغداري
داعي الشوق
يا عميلي علامك كيف تقرأ المجله =و انت رجل متعلم يا بعيد المداري
البداوه دروس و كل عقد نحله =نجمي اللي اشوفه من يحدد مساري
احمد الزايدي
لن قريت المجله ماحصـل أي خلـه=وأنا رجل متعلم مقتنع فـي قـراري
كان نجمك هوى ماأنته بقادر تصل له=والبداوه دروس الا زارعين البـراري
داعي الشوق
يا بن حامد مقالي جاك دقه و جله = أنت شكلك لكيع و طاري لك طواري
كان عندك رسايل من خليل و خله = نجمي اللي قصدته ما هو نجم اعتباري
احمد الزايدي
أنته أسهرتني والظاهـر انـك سملـه=وأنا دكتور علم الطب والأستشـاري
أنت مشتاق للا أشوق والحـب كلـه=عارف أنك فهيم وجزل وأنك حضاري
داعي الشوق
دامك اللـي يعالـج كـل داءٍ وعلـه=وش علاج الجريح اللي يهل العبـاري
كان عنـدك دواء للحـب طالبـك لله=يا بن حامد حروق الشوق فيني مواري
احمد الزايدي
طاعة الله علاجه وانصحه قبـل أقلـه=أيتمسك بها (ا)ويقرى صحيح البخاري
مار يحتاج له عـزم ويحتـاج صملـه=وفالعباده سعادته (ا)ويكب لهـذاري
داعي الشوق
آنا رجلٍ وقور و عـارفٍ للأهلـه=قايم بفرض ربي كل ليل ونهـاري
مار قلب المعذب حبهم مستحلـه=والهوى يعرفونه ناس مثلي وغاري