[عبدالكريم العياش]

المشاركة الأصلية كتبت بواسطة الطامي

لا والله الا خاب ظني وحدسي = مع الهقاوي بالرفيق الموالي
جيته واناوضعي بخيرٍٍماهوسي= احسبه مثل اطويق يومه زمالي
عزاه كانه يحسب الواجد اشوي= والرزق عنداللي ينشَي الخيالي
المال قد قالوه يقفي مع الفي = وتبقى المراجل مع زحول الرجالي
وهرجه سمعناها جديدٍ ومبطي = لغير اهلها ماتجي راس مالي
وقال المثل ماغطت النثلة المي = يظهر ويسقون العرب والحلالي
اثره مبجل يوم عاد الفحل حي = ليته رحل والعود باقيً لازالي
منين ياتيه الردى والعرِِق ري = مابين خال وعم شمخ الجبالي
والوالد اللي يشبه لحاتم الطي = وجدوده اللي ذكرهم بالعوالي
قلته وانا ماني مشره على خي = دامه نشا في بردها والظلالي
ماجاه لامسرى ولا الوجه مشوي= من حر لاهوبٍ يجيه وملالي
يطرد ورى رزقٍ يجيله ويقفي = حالة شقى تصقله صقل السلالي
ومقارعة بيضان الوجيه والسي = ياخذ ويعطي بالليالي الخوالي
نوبٍ مع البدوان مامور منهي = يتبع نهجهم في رُقي المعالي
ونوبٍ مع الحضران ماهوب معفي= يبيع يشري بالذهب والريالي
يدرى اهروج مشوَهٍ عارفٍ عَي = شذَاب عرقوبٍ بسود الليالي
قلته وانا مارضى على مثله بلي = وارُد عنده لابحث له مجالي
مالي غناةٍ منه مهما حصل لي = ولاله غنى مني بكل الحوالي
وختمٍ الوم النفس مما حصل بي= وادرى اهروجٍ بالقفا بي تقالي

الاخ الشاعر/ الطامي
هنا تبدو الاصاله وشموخ الانتماء تعتب من حكقك على من تعتبره سند وعزوه لكن شموخك وقوة رفضك ان ترضى عليه من البعيد الملامه بل تتجاوز ذلك للدفاع عنه والعوده اليه وبتواضع حقيقي ان ليس لك عنه غنى كماانه ليس له غنى عنك .
رحم الله الممدوح اذ اوفيته حقه .
حقا الطامي اعجبني هذا البوح الراقي وارتقاء المجروح فوق جروحه .
نص يحمل النصح للمتلقي دونما ان تقصد وهنا ثثضح رساله الشاعر البعيد النظر والواسع الخيال .
تقبل خالص تحياتي