[هاجس نجد]

المشاركة الأصلية كتبت بواسطة الطائر المهاجر

لا شاب راس الرجل تبدا عذاريبه = وتبدا تفتح عليه امراض مجهوله
مثل القرنبع ولو احسنت توضيبه = لا تامنه لو وقف في درب مأهوله
مهما يقولون عن طبه وتطبيبه = العود عودٍ خلص قازه ومفعوله
ياسرع طيحته لو ما انت تحري به= ادناة شي يجيبه ينفض خشوله
فاغنم شبابك ولا تحياه بالسيبه= فمن لازرع ما حصد لادار به حوله
اليوم علمه معك والغد في غيبه= فلا تئجل لْوقت ماتدري عن قفوله
العمر يركض فلا تجهل بتحسيبه = كم شايبٍ عاش في حسرات مدبوله
لانه تساهل ولا احسن بترتيبه = يومه شبابٍ فكان الغم محصوله
تلقاه ضايع وحيد وعيبته عيبه= في وقت للقرش كلٍ تزمر طبوله
ورجل بلا قرش ماله عز او هيبه = فاحفظه كلٍ يبيك ويطمع بنوله
على الأقل لو يهلي في تراحيبه = وينشد عن الحال لو هو كاذب بقوله
ولو صرت حتى فقير وخيبتك خيبه= فاظهر بأنك غنيٍ زين مدخوله
صيت الغنى ينفعك لو هو باكاذيبه= ولا صيت منهو فقير الحال بسبوله

صح لسانك يا دكتورنا الغالي مدد بلا عدد

ماشاء الله عليك قصائدك تتسم بالحكم

وتصور المستقبل لمن يستوعب الهدف منها

بيض الله وجهك وزادك الله حكمة ونورا

تقبل اعجابي وتقديري لشخصك الكريم

أخــــــوك

هاجس }{ نجـــــــد