اقتباس:
المشاركة الأصلية كتبت بواسطة الطائر المهاجر
على قبره وقفت وقوف غادي= اطالع قبل ماهم يدفنونه
وفي لحظه تلاقفه الأيادي= بوسط اللحد حطوه بسكونه
وصفوا سبع لبناتٍ جدادي= على طول اللحد تمسك بمونه
وبدى يدفنه شبّانٍ شدادي= وذكر الله بصوتٍ يرفعونه
وانا مذهول في وسط العبادي= ينادوني ولا ادري من يبونه
يعزوني ولا ادري بالوكادي= وش اللي قلت من هرج الرعونه
سليم الجسم في وضع اعتيادي= رحل من قبل ماهله يدركونه
الا يامسندي محزم شدادي= تركت القلب ينزف من طعونه
انا ويّا اليتامى في سهادي= نحاول نفهم الدنيا الخؤونه
الاحظهم بوضعٍ غير عادي= وكل يخفي الحزن بعيونه
احاول قد مقدر باجتهادي = اسليهم وقلبي في سجونه
واحاول اظهر اني من عنادي= قوي العزم ما بي من ليونه
واذا من صرت وحدي بانفرادي= تهاوى الصرح من عالي حصونه
تناوبني هجوسي بالطرادي = الى الماضي اراجع في شجونه
انا وياك من قبل الرشادي = نسابق للطموح بكل لونه
وجانا يوم في جوره تمادي= خذك مني بشربه من منونه
وزاد الكون في عيني سوادي= اصارع وقت طاغي في مجونه
الا يالله يارب العبادي = بلا عونك فلا لي من معونه
وتغفر للذي ما يوم حادي= عن دروب الفضيله في شئونه
|
الله يرحمنا برحمة ويرحم امواتنا
ولك ودي
كل ٍ يصيبه يا الغلا كِتْبَ الهادي=دام القلوب ِ وذكرها دوم اسكونه
اصدق بصداق ٍ يمينك رم الغادي=وادعي له خمس ٍ في فروض ٍ معنونه
ما يبقى شي ٍ للميت هذا اوكادي=دنيا ظليله والقبر ِ ظيق سجونه
فعمل صِليح ٍ تيذكر بِذلّ افرادي =حتى التمور ِ لو كانت ليك المونه
ابذل جهيدك لا تظن انه بْعادي=الميت ميت والحيّ يلقى اشجونه
لكن رحيم ٍ ربنا مِلكه اعْبادي=يدخل جناته إمْوحّدين بْلا عونه
مع الدعاوي من صبي ٍ له جادي =حق ٍ حقيق ٍ لا عرفتم اركونه
يا الله يا ربي يا عالم بالتعدادي = ترحم دخيلك كل مؤمن يدفونه
لنك كريم ٍرحيم ٍ صفوة حادي = ما حد قبلك ولا بعد ك إيمونه
واستغفرك ربي تعداد المبادي = خلقك جميعا تسبيح ٍ ايسبحونه
واختم كلامي بالصلاة الشدادي = على محمد رسول الله الحنونه