[عبدالله الشويمان]

المشاركة الأصلية كتبت بواسطة عايض ابوشيبه

الا يا الله يا للي تجلي الأحزان باالأفراح =ولك كل الخلايق تلتجي في ساعة الشده
عزيز الشان ستار العيوب وفالق الأصباح=ومن فضلك يدين اهل الوفا والجود ممتده
ليا من عدو اصحاب التجاره فايض الأرباح=يفوز اللي سعى في طاعتك والكذب ماعده
الا يالله عبدك يترجي عفوك على ماراح=ليا منه ذكر ذيك الذنوب الهم يحتده
تذكر للذنوب اللي عليه امسجله بألواح =وخايف من عذابك لاوقف لوح العمل ضده
سكن فيه الحزن واستيسره واطفاله المصباح=ومن زود الحزن مما جراله مابنى هده
تنصى باب عفوك والدعا في ضيقته مفتاح=وجاك ايحسب اذنوبه بعد ماطول الصده
الا يالله عليك المشتكى يامالك الأرواح=مصير الأدمي لك يلتجي وان طالت المده
الا يالله طلبتك ياعظيم الشان يافتاح=تعيد اللي مشى في سكت الأحزان وترده

الاخ عايض

صح السانك واعتلا شأنك.

قصيده لا يعلى عليها نص فاخر من شاعر رائع وجزل.

مليون صح السانك يا الغالي.

دمت بخير وصحه وسلامه..ولا هنت