اقتباس:
المشاركة الأصلية كتبت بواسطة حكمت الناهي
توالي الليل أهيم مشتاق وأشعر ان كل عضاي
تريدك يا أنيس الروح طفل مفطوم يريد الماي
لا مسافر واراجي تعود
ياسليل الاصل والجود
ولاني بجيتك موعود
مسعود الودعك مسعود
والعيون همالة
وتراها الفرقة كتاله
تأنسني ربابة وعود
ترابي الدرب هم تعود
تناظر والافق مسدود
اخوي العود
انه الموعود اصل يمك .....بأمر الله انه الموعود
ترفرف روحي فوق الغيم...... مشتاقة لآبو عيون السود
عيون الصابتك.... محسود
شلونك يا حلو الطول قلي شلونك..... بعدك حلو لو بهت لونك
يادرب الصد ولاه اردود
انه أصلي في رمضان
واستغفر الرحمان
وقرء واختم القرأن
وأشواقي أنثرهن على روحك أحلى ورود
روحي أرض عطشانه وانت الماي
يا بسمة فرح دنياي
يا أحلى نغم للناي
انه انعي حظ الولد بغناي
وين النشمي زين الشباب
شمعه انطفت والفرح غاب... نعق الغراب
... غدو يا حسرتي حدر التراب
خط الزمن اثاره..... وهاي سنين دواره
حيل رقد والراس شاب
كنت معجل بأمرك ....بطل حيلي ماودعتك
قلب منكوب ينتظرك.... ياريته يجي يمك
عسى يرتاح.... عسى يهدء.... قلب خلك
ياحادي الضعن بالله تهدى.... ماء زمزم اخاف يتبده
أسئلك باليحمل ذنوب اودعنه.... القلب مكلوم ترى عنده
هم تعود... من تعود... اشعل عود.... وانثر زهر... ومي ورود
وعطر الدار.... كلها بخور
عسى طيفك يجي خطار.... تراني انطر ....عسى ما شر وتتأخر
كلي فرح لون اطيافكم غفلة تمر...... ترى فرقاك علقم مر
ياهو الدرى بيه وشعر ...سهران ليلي للفجر....يا حظوض عاندها القدر
خزنت جروحي كالزهر..... كافي القهر.....موقلبي قرب ينفجر
ياشقيق الروح من يانس غربتي .....بعد عيناك تصعب ع الكافر حالتي
لازم اقنع روحي انك ما تجي ....مهما ارتجي .....هذا امر رب البشر
وهذا مكتوب وقدر.... والمبتلى ديدنه صلاة وصبر
هذا امر رب البشر
..............
برمنجر ..... غرب النرويج... عند السحور
|
حضرة الأستاذ حكمت..
كلمات جميلة مؤثرة,,
دمل الله جراحك ,,وأكرمك بنعة النسيان,,
دمت بكل خير ياالناهي..