أسعد الله أوقاتكم بكل خير وسرور
ورمضان ينعاد عليكم بخير وعافيه
وكل عــــام وأنــتـــــــم بـــخــيــــــــر
من هجوساً شاغفتني بالصباح وبالعشيه = قمت أكوسر الأ لحان وأنظملي عزايف
وأتنقى من مهاراً شرد إلخيال العبيه = إلحفيد العز ومع الطيب والنخوه حلايف
فاحت فياض الشعر ريحان ووروداً نديه = وأتنقى من زهور الشعر وأقطفلي قطايف
فيها من أبها البهيه وفيها من نجد العذيه = أنشروها يا إذاعه وسجليها ياصحايف
بسلامة سيدي مساعد وزير الداخليه = نحمد الله كلها مرت عوافي مع خفايف
الله إللي حمى النفس الأبيه البريه = والله بعباده كريم وعليماً ورايف
يامحمد يامحنك بالشؤون العسكريه = همتك عدت حدود النطاق مع الكلايف
صامد بوجه العدو بروح وعزوماً قويه = ياشجاعاً ماتهاب الموت ولا أنته منه خايف
للوطن في داخلك غيره وتفكير وحميه = يا محير خاطف الأللباب بجهدك والطرايف
بتوجيهاتكم ياسيدي يكسب الأمن المعنويه = يامذللة الصعاب أنتم لها كفو وعسايف
والعدو الضال الغاشم مدحوراً لارحم حيه = قذيفته ولعتبه به نسايف ونتايف
وشبكتهم مدحوره محصوره خليه خليه = شلة الإرهاب يالله ياعسى مالها خلايف
ماهتدوا في كتاب الله ولا بسنة نبيه = أقوالهم وأحكامهم من مغرض ومن زيف زايف
حاربتهم العقايد والدول العالميه = غزوا ولاجنوا غير التخاذل والنكايف
سلم الله وطنا من كل شر وكل أذيه = يبقى على دين وتطور دوم وأعلامه رفايف
ياوطن دام عزك بحكامك الأبيه = وشعبك المخلص الوافي على سلم وعنايف
والقصايد بالوطن حقاً ومشروعاً عليه = يحفظ الله ملكنا إولي عهده ونايف
وسلامتكم جميعا