اقتباس:
المشاركة الأصلية كتبت بواسطة عايد ربيع الحويطي
ابسمع صوت نوره والحمام يطير=وياخذني هناك وتنبت ازهاري
دخيل عيونها النعس وصمت البير=وعامين مضت ماسمعت اشعاري
هنا حضن الدفا مايقبل التبرير=هنا كانت دفاي وموسم امطاري
هنا الحلم الصغير وموسم التنوير=هنا كل العروق تحيي الطاري
زرعت الورده اللي تكره التغرير =وبعد حان القطاف اشتالها جاري
هنا كان السفر صدمه وكانت غير=هنا موقف شجاع وراحل اجباري
هنا بعض المواقف ماتبي تفسير=تبي قلب شجاع وشاعر ناري
هنا بعض الكسور تقاوم التجبير=تعيش بكسرها وتابع اخباري
هنا بعض الحناجر خانها التعبير=تعيش الحلم كذب وترفض اقداري
هنا بعض الهدايا تكره التهجير=تحرى جيتي وابطيت باسفاري
هنا كل الجنون بقبضة التحجير=يعاتبني وانا لبسته اعذاري
انا مفعم بدواه واكره التقتير=تقاسمنا عناي وخبزة افطاري
هنا بعض النفوس تعاقر التحقير=تزيد بحقرها ماقل مقداري
هنا ياطفلة الما وين واد السير=انا عابر غريب وتاه مشواري
جوازي دبلوماسي والحدود بخير=هنا ولا هنا كل الوطن داري
هنا بعض الكلام يعانق التشفير=سياسة حب ولا شوقك الساري
|
الشاعر الفاضل الحويصي..
قصيد جزل رائع الأسلوب..
جميل المعاني غني بالصور المميزة..
جدير بالعودة إليه ,,
تسلم يدك..