[الخنساء]

المشاركة الأصلية كتبت بواسطة بعيد المدى

يابنت والله مقصدي لقمة العيش=
الله ولا ذيك العلوم الردية=
نفسي عليها عن هاك العلم تشويش=
لاتبتليني ما لنا فيه نية=
همي من اللي مايعرفون مافيش=
ماغير كلمة يايبه جيب لي يه=
لامن دخلت البيت فزوا مشاويش=
تكانفوني جيب ما قلت هيه=
اما زعلوا صدوا عن الزاد مانيش=
ولاتناحوا بين هاذي وذيه=
انا الملك بعيونهم قايد الجيش=
حاكم مفاتيح المخازن بيديه=
لاتبلشيني ماحتمل منك تبليش=
بلشان بصكات الزمان القوية=
اقفى زمان الغي والحب والطيش=
مع الليال المقفيات الهنية=
حتى أيش ياريانة العود حتى أيش=
ماخٍلت أيامي من الشوق فيه=
ماعاد يشقيني طبيعي وتمويش=
حاضر نظر والفكرماهو هنية=
أقطع على حبل التفاكير واريش=
لاقلت ذية قلت كيف السوية=
آصل بفكري ماوصلوه المطاريش=
وارجع بها بلشان حل القضية=

صح لسانك واعتلا شانك

قصيدة جزلة من شاعر جزل

سلمت ودام حرفك