اقتباس:
المشاركة الأصلية كتبت بواسطة صنداح الزلامي
صداقـتـي مابـيـعهـا واشتـريـهـا=مـع عـالـمٍ مايعـرفـون الصـداقـه
صداقتـي مصـدر وفــاء واحتميـهـا=عـن كـل نقـص وكـل خلـه وعاقـه
وابنـي قواعـدهـا واحـافـظ عليـهـا=وافتـح لهـا قلـبٍ يـزيـد اشتيـاقـه
وادرى علـى مضمونـهـا واعتنيـهـا=وارفـع معالمـهـا بلـطـف ولبـاقـه
اسمـي لهـا بالمعـرفـه واستميـهـا=ماحـد اطلـع مضمـون قلبـي وواقـه
ونفسي ماحـد يعلـم بهـا ويـش فيهـا=لاشــك مـاحـب الامــور الدقـاقـه
نــاس أعارفـهـا ونــاسٍ مابيـهـا=وبعض البشر راحت ضميري افراقه
واهل الصدور الضيقه مانتحيها = حتى ولو من دنيتي والرفاقه
اتبع هواي ورغبتي ليس اجيها= اهل النوايا والسلوك الدقاقه
اهل الوجيه الميته مانتصيها = ضعاف العقول اهل الحسد والحماقه
|
صح الله لسانك ملايين على هالجزلة يا صنداح
جزله لله درك
ودي وتقديري