لبيـه ياسحـرا ملكـت فــؤادي=ثم اينعـت منـك الـورود النقيـه
ياطائرا بالحـان الاشـواق شـادي=ياجمل هديـه مـن رحيـم البريـه
انتـي ودادي وانتعاشـي ومـرادي=اقضي معك لحظات عمـرن بقيـه
شاعر وطبعي في غرامي جهـادي=يعني فديت عيـون بنـت اجنبيـه
شدت على المعصم وشبت زنـادي=والدمعه اللـي مـن قبلهـا سخيـه
جفت ونا راقـي علـى راس وادي=اجـاذب الونـات والـروح حيـه
فيها اختصار لكل رايـح وغـادي=طفله لهـا بالقلـب مـن مقدريـه
ماقد يفوق احصاء بعض الـروادي=من اخمص القدمين صدق وعطيـه
مجبتـن فـوق النجـوم الـبـوادي=مادنسوهـا اهـل القلـوب الرديـه
نادت ونا لبيـت صـوت المنـادي=لبيـك ياصوتـا لحونـه شجـيـه
احبهـا حـب الحـزن للـحـدادي=حب ابدوي يحتاج حضـن ابدويـه
انـا وقلبـي ثــم كـامـل ودادي=تحت امرها من غير منـه وسيـه
غرامها غـرام شخصـن ريـادي=يرقى السنـود ومايخـاف البريـه
هي غصني الأخصر ونا طير شادي=بكتب جميـع احروفـي الشاعريـه
لعيون من صارت غلاي ومـرادي=اكتب جميـع الاحـرف الابجديـه
اسوق حرفـي والغـرام اعتيـادي=لعيونهـا هيـه وهـيـه وهـيـه
ياشمعتن اضـوت ليالـي سـوادي=ياغيمتـن مـن جودهـا حاتمـيـة
لانك وطن عمـري لانـك بـلادي=عزيتـك وحبيـت فيـك الحمـيـه
الحـب يتفاعـل معـي ارتـدادي=منـي اليهـا مـن غلاهـا الـيـه
بحضورها كـل المخاليـق عـادي=في ذمتـي تسـوى بعينـي سريـه
نايف العليان الذويبي العتيبي