http://www.fatahilah.com/showthread.php?t=33411
ايه ياقلب لـو عانيـت حـر الهجيـر
ايه ياقلب لـو عانيـت حـر الهجيـر=لزم تفهم وترضـى بالقـدر واختيـاره
وتعرف الكون متحف وسط مسرح كبير=متحـف للصقـور ومسـرح للحبـاره
والروايه كتبهـا مـن بشغلـه خبيـر=والتماثيل مسخت لين صـارت حجـاره
كلمة آمين ثروه تفتـح اللـي عسيـر=ومن ضبطها تعلاّ ما يبي مـن صـداره
ومن تجاهل لها لو هو هـدر كالبعيـر=ماعرف للروايـه غـارقٍ فـي بحـاره
فاضبط الدور خلـك ماشـيٍ كالضريـر=كود تسلـم بدربـك ماتحـس انحـداره
ماانت ملزوم تصبـح للخلايـق نذيـر=كل من عطي عقلٍ يفتهـم وش مسـاره
من بغى عاش وقته في المذلـه اسيـر=ومن بغى فيتجنّـب جـو زايـد غبـاره
ما انت وحدك بهمـك دام مثلـك كثيـر=فلا تصير الضحيه لو تحـس المـراره
لا تقل ليش هذا مفرشـه مـن حريـر=ساكن بوسط قصـرٍ معجـبٍ للنظـاره
يمكـن انـه حـلال وبالمعـزه جديـر=ويمكن انه حرامي لو مسـك للخفـاره
وش يفيـده حلالـه دام ميّـت ضميـر=فـي حياتـه ذليـلٍ والعقوبـه بثـاره
مايحس السعـاده لـو رصيـده غزيـر=وبينه وبين نفسـه شاعـرٍ باحتقـاره
وانت لو وسط صحرا مفرشك من حصير=عايشٍ فـي سعـاده ماتعـرف الكـداره
عزة النفـس كنـزٍ مـن ملكهـا اميـر=ومن فقدها فـلا هـو رابـحٍ بالتجـاره
من روح قلبي صداها طال عمرك
والمعذره من القصور
حكمت البدو ِ حلل ٍ
اكتب اللي فهمته من عناة الهجير = دامها تستويني من عزيز العباره
رسمها كيف خطط للمشاوِر تسير = يا حريص المكايد في دروبك مساره
لا تِسائل عُيونك وش دَرابك بصير= تدر ان الفطاين يفهون الاشاره
حكمت البدو ِ حلل ٍلا ترافق مصير= ساعتة العمر يمضي في زمان المزاره
واهني من تعلم من دروس الخبير= والتجارب كفيله رصدها من يحاره
دام روس العياني ذوقها من عسير = واهني من تدارك من كبيره مراره
دام نصح الكتابي في قبيلك صوير= كلِّ علّه دواها بالتراوي تُداره
لي صبير القلوبي عبرة في بعير = يخزن الماء جسمه لي مسير الصحاره
اعن ِ زود الزواده لا نويت المسير = وحكم الرفق زين ٍ منت خاسر تجاره
فالصديق الل عونك في عيونك كثير= في رخاوة هدبها يمدحون الوزاره
دامها صرف صرف ٍ في غشاش ٍ ظرير= حاسب النفس واصحى قبل زول الحراره
حكمة الجدّ ِ لوّل لو تماسي حرير = صدرها دوم يدرع للجميع مناره
واطلب الريم حاضن من اهلها نظير=لا دريت الخوالي عفّها في شطاره
وان ملكت السلاحي لا يشوفه امير= كان قلبه يساوي بالظنين انحداره
يطمع الروق فنه والهواجس مرير = صوب كلّي ملوكه علها من حجاره
والمطايب مَـحولك اشتريها كثير = في سعات الشدايد تلقها لك مجاره
واختم القول حمد ٍ والصلاتي بشير = لي محمد نبيا ً يا عساها بشاره