[الخنساء]

المشاركة الأصلية كتبت بواسطة أبو نواف

ازكى التحايا يالجفول الشمالي = يا مزنةٍ هلّت ندى من سماها
تراقصت من عذب مايك تلالي =اشجارها وازهارها في رباها
اروي القلوب الميته بالهمالي=يمكن تفوق وتنتعش من ضماها
لا تقطعي الصوله ورزف الجمالي=ردي النضر ما كل حيٍ دراها
ياوردة البستان والغصن مالي=لاتحرمي السواح ريحة شذاها
هب النسيم وجيت عابر وسالي=اثر الليالي الحالمه في رجاها
لا ياسحابه فوق في قدر عالي=متربعه وسط السما في فضاها
صبي لنا المكنون الى جا مجالي=روحي تصافح كل حيٍ دعاها
ما امل نضراتي للونٍ زها لي=بين الزهور وشايلاتٍ جناها
مرتاح في قربك وبعدك عنا لي=خلك حليمه دوم فيك نتباها

صح لسانك واعتلا شانك

قصيدة جزلة من شاعر جزل

سلمت ودام حرفك