[عمر ال شيبي]

المشاركة الأصلية كتبت بواسطة عبيد ابو شيبه

يمحاول كسر القلوب المواليف=وزرع الشقا بين الوليف وليفه
ماغير الواقع نميمه وتحريف=ولا زعزع الغربي جبال منيفه
تاصل حبالي لو فقدت المجاديف=ياريف قلبي ياهواه وخريفه
لك منزل بين الضلوع المهاديف=وقصة غرام في خفوقي طريفه
ماعاد فيني صبر والصبر ماعيف=مغرم وذايف في عيونن عفيفه
ابدي وعدي في طوال المشاريف=اللي على غير النداوي كليفه
وقول بعد الهم رحمه وتخفيف=وجر صوتن من حليف لحليفه
واطاء الخطر ورسي على شاطي السيف=وداوي جروح الطعون العنيفه
حب الشرف يثمر مع الوقت تشريف=ولا الردى مالي بسوقه وضيفه
نسمة غلاك تلطف الجو تلطيف=برقن سرى يطرب فوادي رفيفه
عجزت لحصي فيك كل التواصيف=يالماسه اللي في يدين الخليفه
مصيونتن عن عاتيات العواصيف=في جوف زهريه وقطن وقطيفه

ارحب يا عبيد
ويا زين المنطوق

لا هنت ابد