[الخنساء]

المشاركة الأصلية كتبت بواسطة نجم الإبداع

هاض الهجوس الي بقلبي تماتيك=يالي ملكت الروح لاتقول وشبك
احب تالي الليل لامر طاريك =والقلب في بعدك تقل فيه مشبك
صحراء الضمى ياماي باتت تناديك =ماشاقها الا بين الافلاك عشبك
ياصيد في عيسان ماخاب عانيك= لاتحرم المشتاق من لون قشبك
الصاحب الي لامني ياهوى فيك=ماذاق ترياقك ولا شاف لشبك
قله ترى ياصيد صاحبك راويك =على النقاء ماجاء على الغدر يشبك
ياصاح مانا بين الافلاك كاويك =وشبك تسوق المخطيه لي ورشبك
خابرك فوق البيد تمشي مساريك=واليوم كني بالطريق ابتلش بك
تحدد سيوفك على شخص شاريك=يامنتعش راع الذي منتعش بك
جار الذي بالصدق دايم يجاريك =يوم السفاين نارها ترتعش بك
ما ضرنا لوسار بالارض طاريك = فانته طويل البال لو نحترش بك
منبع كرم والطيب للناس طاويك=قدرك عزيز وللمواليف تشبك
ياقلب صبرك لو تزيد التشاريك =مادام عصر العولمه صار خشْبك
اهل الهوى مابينهم من يداريك=كلن نوى بين المخاليق نشبك
اما انت ياصيدي خفوقي يراعيك=يالي ملكت الروح لاتقول وشبك

صح لسانك مليون ولايكفون
قصيدة جزلة من شاعر متمكن
سلمت ودام حرفك