[الطيف المسافر]

المشاركة الأصلية كتبت بواسطة نجم الإبداع

الكلمه المرّه على العالم وبال=والكلمه الحلوه جزاها جنتين
والحب في الاسلام واجب لامحال=احبكم وانتم تحبوني يقين
لو فرقتنا كلمة الوقت الهبال= لابد مانشتاق لانّا طيبين
ليه الزعل والكلمه الي للجدال = تلهب قلوب اهل الصفاء والعاشقين
خاب الحطيئه يوم غنى بالخبال=ياليتني ماجيتها طرقة لعين
واليوم تبت وصرت نادم بالمجال=حلفت ماكتب غير طيب لجنتين
واعلنت حبي للجميع ولا بدال= حب الاخوّه حسب دين المسلمين
اقولها لاهل القطاعه والوصال=تبلغ لمن غابو وجمع الحاظرين
كل الذي يقرى حبيبي بالكمال=لو شافني ماشال عني الناظرين
من حب في قلبي سكن بالارتجال=بعد الحطيئيات حرمت المشين
حلفت لاقلبها من الشهد المسال=واترك دروب اهل الهجاء والحاقدين
صفيت قلبي وادمح الزله جلال =والكلمه الي طيبه ركنن مكين
ياصاح جربت الهجاء شين الخصال=يثّر على قلب الفتى في كل حين
واليوم عقب الهم حطيت الرحال=باسامح اهل الهجو واستسمح لمين
يابن آدم الدنيا قصيره والمقال = لو طاب فيها جاد رب العالمين
حنا حبايب مير للشيطان جال = يولّع الفتنه ويبلي المستحين
بياض قلبك فيه آيات الجمال =والكلمه الحلوه جزاها جنتين

صح بدنك يابن منشار
نجم الابداع ولك من اسمك نصيب
بل النصيب كله يارجل

دوما وانت لاتاتي الا بالاصيل والجميل والمفيد

جزله من شاعر جزل
وابيات متفرده بالاصاله والجمال

بياض قلبك فيه آيات الجمال =والكلمه الحلوه جزاها جنتين


لاهنت ودمت ذخر للشعر والناس