[الخنساء]

المشاركة الأصلية كتبت بواسطة شجاع عمر الأكلبي

:d
السلام عليكم ورحمة الله وبركاته

العام مثل اليوم خلاّن وأحباب=واليوم نكران ٍ وصد وقطيعة
ليه الجفا من غير تبرير وأسباب=كذا بسهولة ود خلّك تبيعه
أخاف لاونك مخادع وكذاب=واللعب عندك بالمشاعر طبيعة
إن كان ظني فيك ياصاحبي خاب=فأنا أشهد إنه لي عذاب وفجيعة
لني عطيتك خافق ٍ بالغلا ذاب=وصروح حبّك في نواته رفيعة
قدلي ثمان شهور لاصوت لاكتاب=ولا لوصلك لابغيته ذريعة
من دون شوفك جالي أسباب وأسباب=أدرى وشاة الناس فعلي تشيعه
وراع الهوا في المجتمع مثل الأغراب=صمته حزين ٍ والمدامع سريعة
العشق للعاشق مثل لدغة الداب=نفس ٍ تعيش بضيم وأخرى صريعة
ونظرة عيون ٍ دمعها وسطها راب=دمعة غلا تنبت حياه وربيعه
لكن بشرط إنها حلال ومع الباب=بسنة المحبوب نور الشريعة

صح لسانك مليون ولايكفون
قصيدة جزلة من شاعر متمكن
سلمت ودام حرفك