[الخنساء]

المشاركة الأصلية كتبت بواسطة سهيل الشمري

ليت القصايد توفّي حق شيهانه =ياليت اردّ الجمايل عن عطيّتْها
يومه روتْ خافقي من لِذّ هتّانه =واحْيت عروقٍ بقلبي كمْ ترجّتها
يابحر جده وياموجه وشطّانه =هنيّكم في تمشّيها وسجّتها
لاجتْ تخطّى تموت البيض غيرانه =ماحْلا غرورٍ تحلّتْ به سجيّتْها
واللّطف والذّوق والرّقّه هي اوطانه =وارْوع مزايا تروّتْها وطالتْها
ياقاف شعري تزهّب واسْرج حصانه =كِيل المشاعر لها واسْال مروفتْها
واوْصف لحالٍ من الوجدان تعبانه =ترجي جميل العطا من زين مدّتْها
ترجي حنانٍ لقلبٍ زادت اشْطانه =ولْروحي اللي تموت بغال لدّتْها
ياهيه هاك الجوارح جتْك ظميانه =تكفين لاتحرميني من هديّتْها
هديّته تفتحي قلبك وبيبانه =واعْتى الحواجز تِهِدّي قوّ شدّتْها
وادْخلْه واملك معاليقه وشريانه =واحْكم لروحك وافوز بعزّ دولتْها
هذي اماني طريحٍ مدّ وجدانه =لك يابعد من بيوت الشعْر ناجتْها
لاترفضي واردك ياروح جدّانه =قولي هلا بك وشمسي فيك طلّتْها

صح لسانك مليون ولايكفون
قصيدة جزلة منشاعر جزل
سلمت ودام حرفك