الهم ماهو هم عرسٍ ولا دين= مثل اللذي قالوه في بعض الامثال
حتى الوجع ماهو وجع ضرس او عين= كلش له علاجه ولو بالزمن طال
الهم ما طاولك جرحه من سنين= تكتمه في قلبك وهو ثقل الجبال
يحرقك لو يدري به الناس الادنين= ويحرقك كتمانه على كل الاحوال
ماله حلولٍ غير واحد من اثنين = حل من الله او موافاة الآجال
ياقلبي المتعب ترى الدهر يومين= لو كشر بوجهك يلاقيك باقبال
ماتصفي الدنيا ولو للنبيين = كلٍ شرب من همها مر فنجال
واللي تعاني منه مثلك كثيرين = فاصبر على المكتوب لو طول الحال