[محمد المزيريب]

(
)
(
)

الموت اهًون من سمـاع التهايـم=لا واللذي سواك أصعب من الموت
خليتني في شاطي الخـوف عايـم=وخليتني ضايق وخايف ومكبـوت
سهران من جور الزمن وانت نايم=صدري غدى من جور الايام تابوت
ارحم هذاك اللي له سنيـن صايـم=خليت بطنه ضاميًِِن ما معه قـوت
انت السبب في كل ذيـك الهزايـم=انت السبب والحين ما ينفع الصوت
سكتْ عن ضيمي وانا حيل ضايـم=وفوًتْ بعض اشياء ماكانت اتفـوت
ماني ردي ياشيـخ خـل الظلايـم=عمر الردى يا شيخ ما عمًر بيوت
انت السبب في ضيعتي وانت دايـم=ضيعتني واسمك على القلب منحوت
ياللي وطيت التوت وشفيك شايـم=خيًبت ضن التوت يا ذايـق التـوت
ارحم هذاك اللي له سنيـن صايـم=عزيز نفس وجايعً مامعـه قـوت
ودام التهايم تاصلـك وانـت نايـم=ودك تنـام وبعدهـا ودك تمـوت

.






.