يسعد صباح الطير كيف المواجيد = مع فجّة الأنوار رقص ٍ حلاها
انظر لها بالعين وسمع تغاريد =رحب الغِنا والزين منبع غلاها
بين الخضار اليوم شفنا عناقيد=مرغوبة الحلوان شقر ٍ غواها
برْكت على قلبي رحاب المواريد=يا ليتها يالطير حلّن رواها
جيتك ابشكي لك هموم البواريد = ثارت على مقصود عين ٍ تباها
وسط الخلق والروح تبغى مواعيد= يا مندرى يا روح فيكم رِواها
بين العرب يا طير ماْ بْها مناقيد = حرة نقا والخال خلخل خلاها
يا ويل قلب الشيب ما به تحاريد = دامه خضار اليوم يسعد لقاها
مير العذر مقسوم يدي تجاليد=عمري طويته بْزين قولن طواها
وعدن سكن بالقلب ما به تباعيد=اليا ثمان سنين اشرب سقاها
مرن لنا وغبيب حلمي مزاريد = دام الجوارح من سكيب ٍ هواها
والحين شوف العود وش به تصاديد =دنياي سوده والعنايا رحاها
حطّيتها بالقلب غصة اجاويد = يوم العذارى كيف جابن لواها
بيرق حملته والتِعاني تعاويد = بين العرب يا طير نفسي عناها
أيّام وسنين البلايا مواليد = همي قلب مطعون سبة غفاها
مثل الرّحا دوار فيني تلاويد =كنّي على البنيان مالي ْ بحماها
غير الفكر وجهال فيني تزاييد = يا وجد عين اّللي يِِوادع سواها
عقب النهر بدموع عيني تناهيد = مقدر اعيش اليوم حايل دفاها