ياشيخ قلبي بالهواجيس منصاب=الله يخارج كلبوها عطيبه
ماكنها الا حمل في ظهر قلاب=ياهولها جارت عليّ بالغصيبه
ماركبت الطلقه على كل مضراب=قامت توخر عن جنوب الضريبه
لاكنك انت اللي دنت لجلك اشناب=من هيبتك يابو فعولٍ مريبه
وسط المجالس يوم تقبل مع الباب=كلٍ يقول العلم جاء من يجيبه
لك حكمةٍ تحسب لها كل الالباب=تارد قراحٍ مايغثرب قليبه
عديت بالحكمة على راس مرقاب=وغيرك يبا ياصلك لو خسر جيبه
ياكثر عدوانك وياقل الاصحاب=لاكن صبرك والغنايم قريبه
يفداك من جات النوايب ولاناب=واللي ماتعرف ويش خبثه وطيبه
العلم مال العارفه عنه مجناب=ينصاك علمي وانت كفوٍ تجيبه