[حي الضمير]

المشاركة الأصلية كتبت بواسطة محمد بن عمار

السلام عليكم /
ماجادت به القريحة اليوم
لعله يجد طريق مختصر للذائقة


قتيل البناتي

يا مغرّب ٍ عني وانا وجهتي شرق = ملفاك لى ، لو درت كل الجهاتي
عالج جريح ٍ بالهوى مركبه غرق = في بحر حبك ، مشرف ٍ بالوفاتي
طرقت كل أبواب درب الهوى طرق = شا يل صواب طعوني الخافياتي
ما شفت أنا في موجعات الولع فرق = من مات قالوا له ! قتيل البناتي
حبك سرق بسماتنا والفرح سرق = ولأجل الغلا ، بادرتها بالسكاتي
أجاوب ، بزود البكاء ، نايح الورق = سهران ليلي ، ماهتني بالمباتي
سحايب دموعي غشى نوّها برق = من موق عيني حدرن ، ماطراتي
وسهم العيون اللي زرق بالحشا زرق = بحد الرموش اللي بها قاتلاتي
ناره كوتني وأحرقت خافقي حرق = و أصبحت عقبه مخطر ٍ بالمماتي

مودتي لنقاءكم ...

جاوب ، بزود البكاء ، نايح الورق = سهران ليلي ، ماهتني بالمباتي
سحايب دموعي غشى نوّها برق = من موق عيني حدرن ، ماطراتي
وسهم العيون اللي زرق بالحشا زرق = بحد الرموش اللي بها قاتلاتي
ناره كوتني وأحرقت خافقي حرق = و أصبحت عقبه مخطر ٍ بالمماتي

قصيده رائعه تسحق العوده
سلمت يمناكـ