[سهيل الشمري]

مسيكم بالخير

لابارك الله بهالاتصال

سميت اتصالي صومالي

اقبلوها رغم كل عيوبها

وابشر شايبنا

ان القلب لازال خضر


اقول وربي يوصلها

والله غريبه غيّر لاسْلوبه = والشّوق بدّلْه لْشرهْ واعْتابي
والجسْر ماعاد ايْتوجّه صوبه = والباب صكّه في وجِهْ طلابي
هو مايحسّ بْناري المشبوبه؟= اللي بجوفي كيّها لهّابي
ولا نِظرْ دمْعاتي المسكوبه؟= ولا قرا الهِذْيان وسْط كِتابي
ولا لِمِسْ همّ ٍ ٍ كِساني ثوبه؟= ولا نِظرْ حزْن ٍ غدا جِلْبابي
ويله من الله يوم شنّ احْروبه = دمّرْني ابْليّا عِذِرْ واسْبابي
جحافلهْ بسْيوفه المجروبه = وارْماح تغْرِسْ لاخِرْ الاكْعابي
لعْبتْ بقلبي واشْعلتْ لاهوبه = وانْهتْ لْنبْضه وارْتجى الوهّابي
انّه يِرِدّ النّازل لْمنسوبه = واغلا دِوى يِبْري عظيم اصْوابي
والأمْنيه تمْلِكْ غلا مطْلوبه =والرّكْب يقْبل رجْوِةٍ لارْكابي
والدّمْعة اللي دايم ٍ مسْروبه = تسْكِنْ بْحِجْرا لعين ماتِنْسابي
معْ آآهة ٍ من مِعْلِقي مجْذوبه = جرّيتها يوم انّ ظنّي خابي
يوم انّ محبوبي جِفى محْبوبه = وامْستْ مراسيلهْ شرهْ واِعْتابي